Nag hangos si Ed ug sagol dagan ang iyang mga lakang paingon sa ilang balay. " Day Lita day ". .gitawag niya ang iyang asawa. " Naunsa ka Ed gikutasan kaman gud ug maayo ". . ni Lita pa. " Nadawat nako sa trabaho para sa Saudi day ug sa sunod semana na akong flight". malipayong tubag ni Ed. " Mao ba aw maayo hinuon ". sukna ni Lita nga daw may sagul kabalaka sa iyang hitsura.
Milarga si Ed sa laing nasud bawon ang kamingaw ug aron atubangon ang sakripsyo nga nag paabot kaniya sa maong nasud. Buot ni Ed nga makaginhawa sa kinabuhi ug mahatagan ug maayong ugma ilang bugtong anak nga babaye.
Usa ka tuig ang nilabay, nakaila ni Ed si Karen, nagtarabaho sa usa ka companya sa Saudi isip usa ka sekretarya, dalaga, sekse, ug may hitsura kini. Matag adlaw magka kita sila ni karen tungod kay susama raman silag kompanaya nga gitrabahoan, ug sa gabie magka estorya sila pinaagi sa chat.
" Hi Ed. .! nag kaun naka? pagkaun gayud baya ha tingalig mapasmo ka ", mensahe ni Karen sa chat ngadto ni Ed. Sweet ug caring kaayo si Karen hangtud nga wa ma pugngi ni Ed ang iyang gibati ug mipadayag kini sa iyang gugma ngadto sa dalaga. " I love you Ed ". ni Karen pa. " Mahal ko usab ikaw Karen apan minyo ako ug adunay nag paabot kanako sa atoa sa Pinas ", tubag ni Ed. " aw naa ra nimo ang desisyon Ed, kon pilion nimo ang imong asawa malipay rapud ko ", baws ni Karen ngado kang Ed.
Masinabtanon kaayo si Karen, ug nag libog na si Ed kon kinsa ang iyang pilion, ang babaye ba nga iyang gidala sa altar sa kaminyuon o si karen nga gi buhat ug gipakita ang tanang pag sabot ngadto kaniya.
Nahiuna pag uli si Karen sa Pilipinas ug hapit na usab ma tapos ang kontrata ni Ed. Milabay ang panahon ug miaabot ang adlaw sa pag uli na ni Ed. Nakahukom siya nga mo-uli una sa iyang asawa aron sa pag pakig buwag niini sa tarong.
Nakurat si Ed sa iyang nakita tungod kay dako kaayo ang kausaban sa iyang asawa, miniwang kini pag maayo. Gibati si Ed ug kalooy apan ang iyang gugma atoa na kang Karen.
Nianang pag ka gabie sa iyang pag abot samtang nag lingkod si Ed sa ilang sofa, miduol si Lita kaniya ug may gitunol kining papel. Iya kining gibasa. " Ed musogot na ako nga mag buwag kita apan hangyo ko lang kanimo nga ayaw pahibaw-a ang atong anak ug nga mo estar ka unta dinhi sa ato ug usa ka semana." Misugot si siya sa hangyo sa iyang asawa.
Nag libog si Ed ug nganung wa man masuko si Lita ngadto kaniya hinuon sweet kaayo kini ug daw sa way nahitabo. Wa niya makita nga nag lagot ang iyang asawa ngadto kaniya. Ni samot ang kalibog ni Ed sa iyang gibati tungod kay nalooy na siya ni Lita.
Katapusang adlaw ni Ed sa pag estar sa iyang pamilya. Nag luto si Lita sa mga lamian ug paboritong pagkaun ni Ed. Nag andam kini ug panihapon nga para lang kanilang duha. Mitangka si Lita sa lamesa ug malipayong mi dungan sa pag kaun sa iyang bana. Pag kahuman sa ilang pag pangaun gitagay ni Lita ang Red wine ug gitunol kini ngadto kang Ed. " cheers " ni Lita pa.Naka hinumdum si Ed nga mao kini ang buhaton sa iyang asawa sa una kon adunay mga okasyon sama sa ilang anniversary.
" Ed, pwede muba akong isayaw sa kataposang higayon?" sakna ni Lita nagdto kang Ed. Miyango si Ed sa iyang ulo apan wana kini maka estorya pa tungod kay mibarog si Lita sa lamesa ug mipaingon sa ilang kwarto.
Migawas si Lita gikan sa ilang kwarto suot ang bestida. Ang bestida nga gihatag ni Ed sa adlaw sa ilang kasal. " C'mmon Ed, dance with me" tawag ni Lita sa iyang bana samtang gituplok niini ang ilang stereo ug gipatukar ang "Somewhere down the road ". Ang kanta nga una nilang gisayaw sa manag uyab pa sila.
Mibarog si Ed ug iyang gisayaw ang iyang asawa. Nahinumdum siya sa tanang maanindot nilang kagahapon ni Lita ug wa kapugngi ang pag tulo sa iyang mga luha. Nahinumdum siya sa una niyang pagsayaw kauban si Lita pagka human sa ilang kasal. Nakahinumdum si Ed sa babaye nga unang gipitik sa iyang dughan ug gidala sa altar sa kaminyuon napu ka tuig na ang naka labay.
Gibati si Ed ug kauwaw, dili niya madawat ang iyang kaugalingon nga naka sala sa babayeng way pag kuwang ngadto kaniya.
Kalit lang natumba si Lita ug nawad-an kini sa panimuot. Gi kulbaan si Ed ug dali kini niyang gidala sa tambalanan apan wa na kini kinabuhi sa pag abot sa hospital. May sakit nga Leukemia si Lita. Wa siya magpahibaw kang Ed tungud kay dili siya gusto nga mabalaka kini sa dihang didto pa mag trabaho sa laing nasud. nahibaw an nalang ni Ed ang sakit sa iyang asawa sigon sa gisulti kaniya sa doktor.
Mi umbangol sa pag hilak si Ed ug naka ingon siya sa iyang kauganlingon. " Dios ko, hinaut pa unta nga siya gihapon ang akong asawa sa sunod namong kinabuhi aron mahulipan ko ang tanan nakong pag kulang ngadto kaniya ".
by: tabudlongdrive
